Ugxansidaha fiixda leh waa xaalad
caafimaad oo loo yaqaanno (Polycystic
Ovary Syndrome) loona soo gaabiyo
(PCOS)
Waa xaalad ku dhacda haweenka taa soo keenaysa dhowr dhibaato oo ay ka mid tahay:
1: In ay saameyso caadada dumarka
2: in la waayo in ay soo daahdo
3:. in muddo ah in ay iska socoto.
4: Isku dheellitir naan hormoonnada jirka
5: Dhibaatooyin wadnaha iyo xididada
dhiigga
6: Madhalaysnimo.
7: Iyo muuqaalka qofka (Qofka oo aad u
cayilo ama qof bararan u ekaado)
8: Fiixyo tiro badan oo ku samaysma
dhinacyada ugxan sidayaasha.
immisa dumar ah ayaa Qabto Cudurkaan?
20 kii dumar ba oo ilmo dhalo waxaa
laga helaa hal qof oo qaba cudurkaan
inkastoo u badantahay haweenka
dhalmada gaaray laakiin way dhacdaa in gabdhaha da'da yar ay ku dhacdo wixii ka billawdo 11 jir.
Maxaa Keeno Cudurkaan?
Sababta keento cudurkaan lama
garanayo laakiin dadka aqoonta u leh
cudurrada ku dhaca hormoonnada waxay aaminsan yihiin in waxyaabo badan oo isku tag tagay ay ka dhasheen taa soo ay ka mid yihin:
1: Hiddo wade qofka jirkiisa oo uu ku dhashay ama uu ka soo jeedo qoys cudurkaan lagu yaqaanno.
2. Isku dheellitirnaan hormoonnada taasoo hormoonnada haweenka ay yaraadaan ama hormoonnada ragga ay haweenka ku bataan taasoo keento in caadadii wareerto,
3. Finan wajiga ka soo baxa sida fin doobka
4: xaad badan oo haweentu
yeelato.
Waxaa kaloo la arkay in haweenka qabo
cudurkaan uu ku badan yahay hormoonka Insulinka kaasoo keena inuu sii badiyo hormoonka ragga ee loo yaqaanno "Androgen".
Waa Maxay Calaamadaha Cudurkaan?
1:Dhalmo la'aan (haweentii oo aan uur
qaadaynin maxaa yeelay ugxan sidihii
ugxan soo saari maayo, cudurkani waa
cudurka ugu badan oo haweenka u keeno madhalaysnimada).
2: Caadadii oo wareersan
3: Xaad badan "Hirsutism" taasoo ka soo
baxdo wajiga, xabadka, caloosha iyo
suulasha dhabarkooda.
4: Fiixyo badan oo ugxan sidaha ka soo yaaco
5: Fin doob iyo agool badan oo madaxa ku samaysmo.
6: Shuluqnimo (Miisaanka oo kordho una
badan dhinacyada caloosha) Tinta oo meelaha qaar madaxa ka
daadato ama yaraato.
7: Baro baro ku samaysma jirka sida qoorta, gacmaha, naasaha iyo canjirrada taasoo
midabkeedu yahay huruud ama madow. 8: Misko xanuun
9: Walwal iyo murugo
10: Naqaska-hurdada (Neefsashada oo
istaagto waqti kooban xilliga hurdada) Sidee Cudurkaan u keenaa
dhalmo la aanta?
Ugxan-sidaha waa meesha dumarka
ugxantooda laga soo saaro, ugxantaas
waxay gashaa Gal si ay ugu korto oo
markii ay gaarto heerkii la bacrmin karay ayaa laga soo sii daayaa taasoo soo aaddo dhinaca minka si loo bacrimiyo iyadoo soo marayso tubooyinka. Haddii haweentu ay qabto cudurkaan, ugxan-sidaha awood uma lahan inuu kobciyo ama koriyo ugxanta maadaama hormoonnadii ka qeyb qaadan lahaa howshaan aysanba jirin. Marka Galkii ugxanta lagu kobcin lahaa
ayaa waxaa ka buuxsamo biyo taasoo
keensato cudurkaan.
Cudurkaan Ma Is badalaa xilliga
dhalmo ka baxa?
waxaa dhici karta inuu is bedelo iyo inaanu is bedelin.
Cudurkaan wuxuu saameeyaa hab dhisyo badan oo jirka ah sidaa awgeed
calaamado badan way sii jirayaan
inkastoo ugxantii ay hawlgabtay heerkii
hormoonadane ay is badaleen.
Waxaa sii jiri doona in xaaddii iyo timahii ka soo yaacay haweentii
ay sii badato, iyadoo dhanka kale na timahii madaxa sii baaba ayaan iyadoona ay dhici karto in haweentu yeelato (bidaar)
Waxaana halis weyn kaga imaan kartaa haweenta, wadna xanuun iyo kaadi-
macaan.
Haddaba waxaa is weydiin mudan ma jiraan cuduro sababi kara in ugxan sidaha dumarka fiix yeelato?
Haa waxaa jira 3 cudur oo dumarka ku keena fiixda ugxamaha kuwaa soo inta badan ah xanuuno la iska la socdo oo dadku u heysan xanuuno qatar ah.
Si kastaba ha ahaatee hadii aad ka cabaneyso dhibaatooyin la xiriira ugxan sidaha fiixda iyo guud ahaan xanuunada ku dhaca xubnaha taranka dumarka iyo ragga ba ama heysto dhibaatadaasi qof kamida ehelkaada asxaab taada la soo xiriir dhaqaatiirta webkani dhaqaatiirta waxey kuu diyaariyeen daaweyn rasmi ah oo ku wajahan dhamaan xanuunada la sooo dersa xubnaha taranka gaar ahaan xanuunka aan ka hadleynay ee ukxan sidaha fiixda leh la soo xiriir dhaqaatiirta si wax badan lagaa caawiyo mahad sanidiin.